經過琴日JUPAS放榜後，
一部分同學會收到offer，可以升讀本地大專院校嘅課程，
但係有部分收唔到offer嘅同學亦都可能開始立定決心重考DSE，
走上Retake嘅道路。
~~
但係，其實我個人唔係太建議同學重考，
假如如果同學只係個別科目差少少，咁重考可能係一個好嘅選擇，
但如果整體分數都唔高嘅話，想靠重讀入返8大真係有一定難度。
~~
常言道「10個重考9個衰」，
呢句說話其實真係無講錯，
以2013年重考生嘅數據黎睇，
如果本身History係拎Level4，重考升grade率只有25%，
換言之，即係4個人重考先有1個人升grade。
~~
好多同學都可能會諗到重考好美好，
諗住自己上年無盡到全力，
今年只要搏到盡，就一定可以升grade，
事實上，基本上每一個重考生亦都係咁諗，
但結果出到黎，大部分重考生都未必可以升到grade。
~~
坦白講，呼籲同學去重考，
然後收每個學生一個月幾百蚊學費唔難。
但係，
我覺得自己做緊嘅並唔單單係一份賺取收入嘅工作，
我做緊嘅，係改變其他人嘅命運。
所以儘管我唔係視教育為我終生事業，
但係我都會盡自己所能，做到最好，
因為我唔想愧對同學，
亦都係因為咁，我唔希望會見到重考學生放榜後失落嘅表情。
~~
希望打算重考嘅同學係作出決定之前慎重諗清楚，
重考究竟係咪一個最好嘅選擇？
我亦都希望今年打算補我或者補緊我嘅重考生可以搵我傾下啦，
同我講多少少你地嘅情況，
等我提供一D合適嘅建議俾你地，以增加成功嘅勝算，
又或者放棄重考，選擇一條真正合適自己行嘅路。
Search